Raqamli ta’limni rivojlantirish markazi (RTRM) — O‘zbekiston Respublikasi Raqamli texnologiyalar vazirligi tizimidagi muassasa bo‘lib, mamlakatda raqamli savodxonlikni oshirish, IT sohasida iste’dodlarni rivojlantirish, xalqaro sertifikatlash tizimini qo‘llab-quvvatlash, xususiy o‘quv markazlarga subsidiya ajratish, davlat xizmatchilari va iqtidorli yoshlar bilan ishlash kabi yo‘nalishlarda faoliyat yuritadi. Markaz “Bir million o‘zbek dasturchisi” (Coursera), “Al-Xorazmiy vorislari”, IT Talents kabi yirik loyihalar orqali minglab yoshlarga zamonaviy raqamli ko‘nikmalarni egallash imkonini bermoqda.