Zuhra Halimova – xalqaro rivojlanish va inklyuziv o‘sish sohasida 25 yildan ortiq tajribaga ega mutaxassis. U 20 yil davomida Tojikistondagi “Ochiq jamiyat” jamg‘armasining ijrochi direktori sifatida ishlagan va inson huquqlari, qonun ustuvorligi, shaffoflik va hisobdorlik, raqamli transformatsiya, biznesni rivojlantirish va davlat xizmatlari islohoti bo‘yicha milliy loyihalarni boshqargan. Shu orqali u davlat idoralari, rivojlanish agentliklari, fuqarolik jamiyati tashkilotlari, OAV va ilmiy markazlarni islohotlarga keng jalb etgan. Markaziy Osiyoda AKT bo‘yicha inson salohiyatini rivojlantirishdagi hissasi uchun BMTning Osiyo va Tinch okeani mintaqaviy IKT o‘quv markazi (UNAPCICT/ESCAP) tomonidan minnatdorchilik sertifikati bilan taqdirlangan.