Yandex O‘zbekiston — bu raqamli texnologiyalarni joriy etish orqali mamlakatda raqamli muhitni rivojlantirishga xizmat qilayotgan yetakchi kompaniyalardan biridir. 2018-yildan buyon faoliyat yuritib kelayotgan Yandex o‘zbekistonliklarga taksi, oziq-ovqat yetkazib berish, bulutli texnologiyalar, geoxizmatlar, ta’lim va ko‘ngilochar loyihalarni taqdim etmoqda. Toshkentdagi ofisi orqali kompaniya xizmatlarini yanada rivojlantirish bilan birga, IT sohasida stajirovka, maktab o‘quvchilari uchun dasturlash darslari, o‘qituvchilar uchun kurslar va Technovation Girls kabi ijtimoiy tashabbuslarni ham qo‘llab-quvvatlamoqda.