“Oʻzbekkosmos” agentligi muassisligidagi “Kosmik monitoring va geoaxborot texnologiyalari markazi” MChJ iqtisodiyot va davlat boshqaruvi manfaatlari yo‘lida kosmik texnologiyalardan foydalanishning milliy tizimini rivojlantirish maqsadida tashkil etilgan.

Markazning asosiy faoliyat yo‘nalishlari Yerning masofadan zondlash (YMZ) ma’lumotlarini yig‘ish, qayta ishlash va tahlil qilish, shuningdek, turli sohalarda amaliy vazifalarni hal etish uchun geoinformatsion tizimlarni (GIT) joriy etishdan iborat.

Markaz yer va suv resurslari, qishloq xo‘jaligi, ekologiya, geologiya, transport infratuzilmasi va boshqa sohalarda monitoringni amalga oshiradi hamda davlat organlari, biznes va ilmiy muassasalarga zamonaviy analitik mahsulotlar va xizmatlarni taqdim etadi. Sun’iy yo‘ldosh texnologiyalaridan foydalanish dolzarb, aniq va xolis ma’lumotlarni olish imkonini berib, qaror qabul qilishni qo‘llab-quvvatlaydi, tabiiy resurslarni boshqarish samaradorligini oshiradi, loyihalarni rejalashtirish va ularning bajarilishini nazorat qilishni ta’minlaydi.