Xabaringiz bor, 17-20 sentabr kunlari O‘zbekistonda O‘zbekiston AKT sohasida eng yirik tadbir – ICTWEEK UZBEKISTAN 2024 axborot-kommunikatsiya texnologiyalari haftaligi bo‘lib o‘tadi.

Tadbir doirasida IT Park O‘zbekiston ishtirok etadigan koʻrgazma boʻlib oʻtadi, unda Oʻzbekistonning IT salohiyati, shuningdek, xorijiy IT va servis kompaniyalarini qoʻllab-quvvatlash dasturlari taqdim etiladi. ICTWEEK mehmonlari mamlakatning IT landshafti, biznes muhiti va O‘zbekistonning autsorsing uchun yangi joy sifatidagi afzalliklari bilan yaqindan tanishishlari mumkin bo‘ladi.

O‘tgan yilning oxirida ICTWEEK doirasida IT Park O‘zbekiston stendiga 160 dan ortiq xorijiy kompaniyalar vakillari tashrif buyurishdi va 7 ta xorijiy kompaniya O‘zbekistonda o‘z vakolatxonalarini ochishga qaror qilishdi.

Eslatib o‘tamiz, ICTWEEKning asosiy maqsadi tajriba almashish va zamonaviy texnologiyalar va innovatsiyalarning eng so‘nggi yutuqlarini namoyish etish uchun platforma yaratishdir.