Axborot texnologiyalari haftaligi

17 sentyabrdan 22 sentyabriga qadar har yili bo’lib o’tadigan ICTWEEK Uzbekistan axborot texnologiyalari haftaligi o’tkaziladi.

Ushbu hodisa an’anaviy ravishda bir nechta ixtisoslashtirilgan tadbirlarni yagona formatga birlashtiradi.

ICTWEEK 2002 yildan buyon O’zbekiston axborot-kommunikatsiya texnologiyalari sohasida har yili o’tkaziladigan eng yirik va muhim tadbirdir. Tadbir Sammit, Forum, Ko’rgazma va boshqa ko’plab tadbirlar, mukofotlashlar, taqdumotlar va aktsiyalarni birlashtiradi.

ICTWEEKni o’tkazishdan asosiy maqsad tajriba almashish uchun va zamonaviy texnologiyalar va innovatsiyalarning yutuqlarini namoyish etish platformasini yaratishdir. Shuningdek, bu O’zbekistonning IT-bozorining xorijiy sarmoyadorlarga davlat, kompaniyalar va iste’molchilarning o’zaro hamkorligi uchun jozibadorligini namoyish etish uchun ideal maydondir.

Tadbir O’zbekiston Respublikasi axborot texnologiyalari va kommunikatsiyalari vazirligi homiyligida o’tkaziladi. ICTWEEK Uzbekistan-2018 tashkilotchilari ICTNEWS Conferences  (CIBGROUP MChJ).

«ICTWEEK Uzbekistan-2018» haftaligining rasmiy ochilishi 17 sentyabr kuni bo’lib o’tadigan matbuot anjumanida e’lon qilinadi.

ICTWEEK 2018 ning ochilish marosimi 18 sentyabr kuni «Hayatt Regency Tashkent» mehmonxonasida bo’lib o’tadigan ICTSUMMIT Axborot-kommunikatsiya texnologiyalari Sammitida bo’ladi. Sammit ishtirokchilarga joriy yil uchun IT-sohasini rivojlantirish yakunlarini sarhisob qilish, tarmoq oldida turgan strategik vazifalarni muhokama qilish imkonini beradi. Sammit ishtirokchilari – davlat organlari, aloqa va axborot texnologiyalari korxonalari va tashkilotlari rahbarlari, xalqaro ekspertlar va analitiklar, xalqaro IT-kompaniyalarning vakillari bo’ladilar.

«ICTWEEK» da ICTEXPO axborot texnologiyalari ko’rgazmasi muhim o’rin egallaydi, unda 100 dan ortiq kompaniyalari-eksponentlari ishtirok etadi. «O’ZEKSPOMARKAZ» MKK ning 2 va  3 – sonli pavilonlari uch kun ichida 35mingdan ziyod mehmonlarni qabul qilishni rejalashtirmoqda. Ko’rgazma Toshkentda (19-21 sentyabr) bo’lib o’tadi.

Innovation FORUM – Innovatsiyalar Forumi teng darajada yorqin tadbir bo’lib, unda mahalliy va global Internet-ishlanmalar sohasidagi yutuqlar va natijalarni muhokama qilish rejalashtirilgan. Forum uch kun mobaynida (19-21 sentyabr) ish olib boradi va blok-konferentsiyalar, seksiya yig’ilishlari, master-klasslar va panel muhokamalari formatida o’tkaziladi. Forumning o’tkaziladigan joyi – «O’ZEKSPOMARKAZ» MKKning Konferentsiyalar zali va «Atrium Xoll» zalidir.

Forumning panel muhokamalari mamlakat axborot texnologiyalari sektorini rivojlantirishga qaratilgan strategik qarorlar va dasturlarni ishlab chiqishga yordam beradi. Forumda qarama-qarshiliklar tahlil qilinadi, uning rivojlanish salohiyati va uni amalga oshirish imkoniyatlari baholanadi.

Bundan tashqari, forum oldida mahalliy IT-kompaniyalari tashabbuslarini ilgari surish uchun barcha shart-sharoitlarni yaratish bo’yicha asosiy vazifa turadi.

Axborot texnologiyalari haftaligining formati nafaqat barcha tadbirlarning eng samarali tashkil etilishi va tuzilishini ta’minlabgina qolmay, ularga bo’ladigan tashriflarni ishtirokchilar va mehmonlar uchun imkon qadar qulayroq qilish imkonini yaratadi. Buning uchun barcha asosiy tadbirlar bir joyda o’tkaziladi.

ICTWEEK Uzbekistan Axborot texnologiyalari haftaligi haqida batafsil ma’lumotlarni tadbirning www.ictweek.uz veb-saytida ro’yhatdan o’tib olish mumkin.